ကကြိုး
ညှင်သာလိုက်ကြတာ
ခန္ဓာပေါ်ထိတဲ့ လက်တွေက
ရေတစ်စက်မက အပေါက်ပေါက်ကျလို့
မျက်လုံးဖွင့် အသက်ရှုတိုင်း
ဘာသာမဲ့စွာ နှလုံးခုန်ရင်း
အသောက်အစားမပြတ်ခဲ့
နေ့တလှည့် ညတလှည့်
တိမ်တွေစုံလင်ခဲ့ကြတယ်
ကြယ်တွေစုံလင်ခဲ့ကြတယ်
နှုတ်မဆက်ပဲလည်း ဝေ
နှုတ်မဆက်ပဲလည်း ကြွေ
သီချင်းတစ်ပုဒ် စညဉ်းတတ်တော့
မြင်မြင်သမျှဝန်းကျင်
သစ်ပင်စိမ်းစိမ်းတွေ
သီးလို့ပွင့်လို့ …
အရိပ်ကိုခိုဖူးခဲ့တယ်
အကိုင်းကိုချိုးဖူးခဲ့တယ်
အသီးကိုစားဖူးခဲ့တယ်
အခုတော့
အလင်းတွေ ပစ်ချရင်း
လွတ်လပ်ခြင်းတွေ ပစ်ချရင်း
နေ၀င်ချိန်တွေပဲ ရခဲ့တယ်
ကေ.တီ.အမ်
1 comment:
Ko Kyi Thar Myint? :)
Post a Comment