ကေ.တီ.အမ်: 2009

Friday, October 2, 2009

ငါ၏ ဗိမာန်

ငါ၏ ဗိမာန်

ကမ္ဘာကိုပတ်တာ ... အခေါက်အခါ မရေ မတွက်ချက်နိုင်အောင်ပါ
နောက်ဆုံးတော့လည်း ... ဒီနေရာလေးကိုပဲ ဖက်တွယ်နေမိခဲ့ အရိုင်းအစိုင်းစိတ်
အီဂျစ်က ပိရမစ်ကြီးတွေပေါ်မှာ နားမယ့် ခရီးစဉ်တွေ
မာမ်မီတွေနဲ့ ညစာစားပွဲတွေကိုပါ အကြိမ်ကြိမ်ဖျက်ပစ်ရင်းပေါ့

ဝေဒနာတွေကလည်း ပုံစံမျိုးစုံနဲ့ ဆန်းသစ်ခဲ့ရတယ် ... နာကျင်မှုကတော့ မင်းနဲ့ ဝေးသွားရတဲ့နေ့ကအတိုင်းပါပဲ
မင်းပြောပြသွားခဲ့တဲ့ ပန်းပွင့်ကလေးတွေအကြောင်း ... ကြယ်ပွင့်ကလေးတွေ ကြွေကျသွားတဲ့အကြောင်း ... လှပနေကြတာမြင်တွေ့ရပေမယ့်
နာလိုစိတ်တွေ ယနေ့တိုင်လက်ပြနှုတ်ဆက် ... နှလုံးသားမှာ မြွေပွေးအကောင်ပေါင်းများစွာ မွေးမြူရင်း
ကွဲအက်ကြွေမွသွားတဲ့ အပိုင်းအစလေးတွေ... လိုက်ဆက်နေရတာကိုက .. ငါ့ဘ၀ရဲ့ ရသတဲ့လား ...

နိမ့်မြင့်တက်ကျ ဘ၀ကို မြတ်နိုးတန်ဖိုးထားပေမယ့် ... အမြဲတမ်း အနိမ့်ဖက်မှာပဲ ကျက်စားနေရတော့
ဖုန်တွေသာအလိပ်လိပ်ထ .. အခါခါခုန်နေရတဲ့ ခြေထောက်တွေလည်း နာကျင်နေပါပြီ ...
ဒီအနာကတော့ တစ်သက်စာလုံးအတွက် မင်းပေးသွားတဲ့ ကျိန်စာငယ်လေးတစ်ပုဒ်ပါ ...

ခြေရာတွေနောက် လမ်းစပြန်ကောက်ကြည့်တော့ ... ငါဖက်တွယ်နေတာ .. ဒီနေရာလေးပါပဲ ...

ကေ.တီ.အမ်

Tuesday, April 28, 2009

ညနက်သားကောင်

ညနက်သားကောင်

အတ္တကို မီးသင်္ဂြီုဟ်တဲ့ည
တိုးတိုးလေး ငြီးလို့
အသက်ငွေ့ငွေ့ဟာ လွင့်ပြယ်သွားရင်
အလင်းတွေ တဖြုတ်ဖြုတ်ကြွေကျ
...

အေးစက်တဲ့ လက်ကိုတွဲ
လမ်းတစ်လျှောက်က မီးအိမ်တွေ
ခြောက်သွေ့တဲ့ ခေါင်းလောင်းသံတွေရဲ့
...

"အဆုံးမှာ"
ပွင့်လက်စ တံခါးကြားက
စောင့်ကြိုနေသာ မီးတောက်မီးလျှံတွေ
...

အော်ဟစ်ရင်းသာ
အော်ဟစ်ရင်းနဲ့သာ
...

ကေ.တီ.အမ်

Sunday, March 22, 2009

ကျွန်တော်နှင့် ရောင်စုံဘောလုံး အပိုင်းအစများ

ကျွန်တော်နှင့် ရောင်စုံဘောလုံး အပိုင်းအစများ

ကျွန်တော် ပို့စ်အသစ် မတင်နိုင်တာကြာလှပါပြီ ... သုံးစားမရတဲ့ ဦးနှောက်ကလည်း ပင့်ကူမျှင်တွေ ရစ်ပတ်ပြီး ဘာအကြောင်းအရာမှ ထွက်မလာတော့ပါဘူး ... မြောင်းထဲမှာ ကျက်စားနေကျ ရောင်စုံဘောလုံးတွေလည်း အိပ်မက်ကနေ နိုးထလာခဲ့ပါပြီ... အသေချာဆုံးတစ်ခုက အနုပညာကို ၀ါသနာပါရုံမှတပါး၊ ခံစားတတ်ရုံမှတပါး အခြားမရှိတော့ပါဘူး ...

ဂစ်တာတီးခြင်းကို ပြင်းပြင်းပြပြ ၀ါသနာပါခဲ့ပေမယ့် ဦးစားပေးသင့်သော အမျိုးစုံလှသော ခေါင်းစဉ်တွေကြားမှာ ဘယ်လိုဂစ်တာမျိုးမှ ဖုန်တက်ခွင့် မရခဲ့၊ ဘယ်လို ၆ကြိုးမျိုးမှ သံချေးတက်ခွင့် မရခဲ့ပါဘူး ...

နောက်ဆုံးတော့ နှာစေးနေတဲ့ ကွန်ပျူတာကို ပြုစုရင်း၊ သေနေတဲ့ အကြောတွေက Keyboard နဲ့ Mouse ပေါ်မှာ လှုပ်ရှားရင်းနဲ့ မြောင်းထဲမှာ ပျော်ပါး ကျက်စားချင်ကြတဲ့ ရောင်စုံဘောလုံး အပိုင်းအစများ ညတိုင်းလိုလို အိပ်မက် မက်ဖူးခဲ့ပါတယ် ...

ပထမဆုံး စမက်ဖူးခဲ့တဲ့ ရောင်စုံဘောလုံး အိပ်မက်တစ်ခုပါ
Say Hello Here!

နောက်ပိုင်းမှာတော့
Draggin' My Soul

The Sinners

ကေ.တီ.အမ်

Friday, February 13, 2009

ခေါင်းစဉ်မရှိ (၂)

ခေါင်းစဉ်မရှိ (၂)

ရထားတစ်စင်းဆိုက်တိုင်း ဆင်းတဲ့သူဆင်း၊ တက်တဲ့သူ တက်နဲ့
သက္ကရာဇ်တွေ မရှိဘူး၊ ပြိုချင်သလိုပြိုခဲ့ကြ ဖြိုချင်သလိုဖြိုခဲ့ကြ
မြေပေါ်မှာကြောခင်း မြေအောက်မှာကြောခင်း
စကြာဝဠာရဲ့ အငွေ့အသက်တွေထဲမှာ ပျော်ချင်သလိုပျော်ခဲ့ကြတယ်

အရောင်အသွေးတွေစုံလင်ကြသလောက်
ရောင်စဉ်မဲ့ အလင်းတန်းတွေနဲ့ မိတ်ဖွဲ့ဖို့ရာ လမ်းစပင်ပျောက်
တံဆိပ်မျိုးစုံတပ် ရင်ကိုကော့လို့ ခေါင်းမော့ကြ
မနေ့က ဖြစ်ရပ်တွေကို တူးဖော်ရင်း ဆေးကြောဖို့ရာ အသိပင်မ၀င်
ငါးကမ္ဘာထိမက အဖန်များစွာ ကိုယ်လက်နဲ့ ကိုယ်တိုင် သေစေတယ်
နှလုံးသားပြဇာတ်ခုံပေါ်မှာ မိစ္ဆာမျိုးစုံ မြူတူး ကခုန်ခဲ့စေတယ်

ငါဆိုတဲ့ ပန်းကုံး လည်ပင်းကနေ မချွတ်ချင်သရွေ့တော့
နေအဖွဲ့အစည်းထိရောက်ဖို့ မကြိုးစားနဲ့တော့
ကိုယ်တိုင်သာ ပြန်မေးလိုက်ပါ
ဘေး ဘယ် ညာ ရှေ့ နောက် အတွက် အသုံးကျခဲ့ရဲ့လား

ကေ.တီ.အမ်

Sunday, January 25, 2009

ကြွေလွန်ခဲ့သော ဖဲချပ်တစ်ချပ်

ကြွေလွန်ခဲ့သော ဖဲချပ်တစ်ချပ်

မင်းထိုးခဲ့တဲ့
စစ်တုရင်ကစားဝိုင်းမှာ
ခြေအစုံချဖို့အတွက်
နေရာလေးတစ်ခု ရှိနေတာကို
ကျေနပ်နေခဲ့သူပါ ...

ဒီလိုသာနေခဲ့ရင်း
နာရီတွေသာ ခရီးလွန်ခဲ့တယ်
ငါက
ပူကျစ်တောက်ပတဲ့ နေကို
အံတုရဲခဲ့တဲ့ နှင်းစက်တွေလိုမျိုး ...

နောက်ထပ်
ငါ့အတွက် ဘာကစားကွက်မှ
မလိုအပ်တော့ပါဘူး
အသည်းကို အစားခံဖို့
ဘ၀က လည်မျိုမှာ ဓါးရာအထပ်ထပ်နဲ့
ငါ့လက်ထဲက ဖဲချပ်ဟာလည်း
ပြာကျ ကြွေလွင့်ခဲ့နှင့်ပေါ့ ...

ကေ.တီ.အမ်
(၂၃း၃၄၊ ၂၄.၀၁.၂၀၀၉)

Tuesday, January 20, 2009

လရိပ်တိုးဝင်လာသော်လည်း

လရိပ်တိုးဝင်လာသော်လည်း

မျက်စိနှစ်လုံး စဖွင့်
မြင်ကွင်းဟောင်းနှင့်
ခုန်ဆင်းပြေးသွားသော
သက်လေပြင်းပြင်း

သတင်းစာကောက်ကိုင်တော့
ပိုထူးမလာတဲ့စာသားတွေနဲ့
( )ထဲက နှစ်ထက်မပိုသော
ကိန်းဂဏန်းများစွာ

ပြောစရာမရှိတာက
ရင်းနှီးပြီးသား
အကြမ်းတိုနှင့်
နှုတ်ခမ်းမည်းမည်း

ထီမထိုးထားပေမယ့်
အသိပေးကြေငြာချက်နဲ့
စိတ်တိုတတ်သော ဖိနပ်စုတ်
စနားထောင်ဖြစ်တဲ့ သီချင်းတစ်ပုဒ်က
Submersed ရဲ့ An Artist Prayer

တစ်နေ့တာအတွက်
ပိုက်ဆံမကုန်သော
လောဘ၊ ဒေါသများဝယ်ယူ
ယမမင်းနှင့် နှုတ်ဆက်ရန်
စကားများရှာဖို့မေ့
ဖယောင်းစက်လိုကျနေတဲ့
အချိန်တွေလိုက်ကောက်ရင်း

အဲဒီလိုနဲ့ပဲ
ညဉ့်အသစ်တစ်ခုတော့ရောက်
သွားတိုက်ထားသော်ငြား
မစင်ကြယ်သော ဒီပါးစပ်အိုကြီးက
ကောင်းသောညပါ

ကေ.တီ.အမ်

Sunday, January 4, 2009

ပင့်ကူတစ်ကောင်၏ အထုပ္ပတ္တိ

ပင့်ကူတစ်ကောင်၏ အထုပ္ပတ္တိ

ပင့်ကူသည် ပင့်ကူတစ်ကောင်ဖြစ်သည်။
နေထိုင်သောအရပ်ဝန်းကျင်သည်လည်း ပင့်ကူတစ်ကောင်နေထိုင်သော အရပ်ဒေသကဲ့သို့ဖြစ်သည်။
ရှာဖွေစားသောက်ခြင်းများသည်ကား ပင့်ကူတစ်ကောင်အတိုင်း ကျင့်ကြံစားသောက်သည်။
ပင့်ကူတွင်မူ … အခန်းထောင့်တွင်ရှိ ဖုန်အလိပ်လိပ်ထ၊ အမျှင်အတန်းများ ရစ်ပတ်နှောင်ဖွဲ့သော ဦးနှောက်မျိုးသာရှိသည်။
...
သို့သော် ပင့်ကူတွင် … တုတ်တစ်ချောင်းရှိသည်။
ပင့်ကူသည် လူအမြင်ကပ်အောင်လည်း နေတတ်သည်။
ပင့်ကူသည် ခြေများသောကြောင့် ခေါင်းပေါင်းများစွာလည်း နင်းခဲ့၊ ဖောက်ခဲ့ဖူးသည်။
...
ယခုအခါ ပင့်ကူတွင် အတောင်တပ်ခြင်းခံရသည်။
ပင့်ကူပျံသန်းနေရသော အရပ်ဒေသများသည် ပင့်ကူနှင့်လားလားမျှ မသက်ဆိုင်။
သို့သော်ငြား ပင့်ကူ၏ နောက်တွင် တုတ်တစ်ချောင်းမကရှိသည်။
ပင့်ကူသိသည်။ ပင့်ကူ ပျံရမည် သန်းရမည်။
ပင့်ကူ၏ နေ၀င်ချိန် မရောက်သရွေ့ ပင့်ကူ တောင်ပံများနှင့်သာ အချိန်ကုန်ရမည်။
...
ပင့်ကူ ...

ကေ.တီ.အမ်

သုည မှ သုည အတွင်း

သုည မှ သုည အတွင်း

တစ်ယောက်တည်း နေ
တစ်ယောက်တည်း စား
တစ်ယောက်တည်း ငါးခုံးမ

တစ်ယောက်တည်း ငါခုံးမ
တစ်ယောက်တည်း စား
တစ်ယောက်တည်း နေ

ကေ.တီ.အမ်