စုန်းမတစ်ကောင်ရဲ့ ...

စုန်းမတစ်ကောင်ရဲ့ ...

ယောက်ျားတစ်ယောက်ရဲ့ ကျောပြင်
ချစ်လွန်းလို့ လမ်းတလျှောက်ထမ်းပိုးခဲ့တာ
နွားတစ်ကောင်လို ရုန်းနေတာမဟုတ်ဘူး
ငါ့ကတိတွေကို
မီးလောင်တိုက် သွင်းခဲ့ပြီးပြီ.....
ရေအိုင်ပွက်တာတဲ့လား
လှိုင်းရိုက်ခတ်သွားခဲ့တာပါ

မိုးရွာထဲ.. ပန်းချီဆွဲတဲ့ ငါဘ၀ ...
ဝိုးတိုးဝါးတားနဲ့
ခြေလှမ်းတိုင်းလည်း ..
သစ်ခြောက်ရွက်တွေပဲခစားကြ
ရေကြည်စရာမလိုသလို ...
မြက်နုလည်း ငါမစောင့်ဘူး

စုန်းမလို မင်းလက်တွေ
ငါ့အသည်းကို လာမကိုင်ပါနဲ့တော့
အဲဒီလို ..
ကတိကိုငြင်းလိုက်တာက ...
နောက်ထပ်ကတိတစ်ခု
ပေးလိုက်တယ်ဆိုတာ
မင်း … အမြဲအမှတ်ရနေအောင်
တကိုယ်လုံးသာ စုတ်ထိုးထားလိုက်

ကေ.တီ.အမ်

ကျွန်နုပ်၏ စာမျက်နှာ

ကျွန်နုပ်၏ စာမျက်နှာ

မရည်ရွယ်ပဲ ကျလာတဲ့
မိုးစက်တွေအတွက်
နာကျင်စေခဲ့မိရင်
နေရောင်ခြည်တွေနဲ့
နွေးထွေးပါစေ

မျက်ဝန်းတွေကို
ခဏလောက် ကြည့်ပေးပါ
နားကျဉ်းစရာများ မြင်တွေ့ခဲ့ရင်တော့
ကျောက်ဖျာထပ်မှာ နှင်းဆီပန်းတွေ
စိုက်ပျိုးထား … ပြီးသားပါ

မင်းတစ်ယောက်တည်း
ကြေကွဲ ငိုကြွေးနေတယ် မထင်ပါနဲ့
မရည်ရွယ်ပဲ ကျလာတဲ့
မိုးစက်တွေထဲက မျက်ရည်တွေကို
မင်းသတိမထားမိတာပါ

ခြေလှမ်းတိုင်းလည်း
မင်းခြေလှမ်းတွေနဲ့
ကမ္ဘာမြေထဲက ငါ့ခြေလှမ်းတွေ
ထပ်တူကျလွန်းလို့
တို့နှစ်ယောက်အရိပ်က
အမြဲတစ်ခုတည်းဆိုတာ မင်းမသိလုိ့ပါ

ကေ.တီ.အမ်

ကွင်း

ကွင်း

ငါရေးတဲ့ စာသား
ငါဖန်တီးတဲ့ သံစဉ်
ရောင်စုံဘောလုံးတွေပါ
အထီးကျန်ဆန်ဆန်
ကန်သွင်းသူလည်း ငါ
ဂိုးဖမ်းသူလည်း ငါ
သွားကြပါ လုပ်ကြပါ
ထက်မြတ်တဲ့ခြေလှမ်းတို့
ငါ့ဦးနှောက်က ပင့်ကူကိုတော့
အစာငတ်အောင်မလုပ်ကြနဲ့
ငါ့ရဲ့ရောင်စုံအချိန်တွေ
ငါ့ရဲ့ရောင်စုံစာသားတွေ
ငါ့ရဲ့ရောင်စုံသံစဉ်တွေ
မြောင်းထဲမှာ ကျက်စားနေကြတယ်
ဦးနှောက်အကြောင်းသိချင်ရင်
ကိုယ့်ဦးနှောက်ကိုအရင်ဖွင့်ကြည့်
သတိ သတိလေးတော့ထား
အသင်တို့၏ ရွှေချထားသောလက်တွေ
မြောင်းထဲကိုတော့ လာမနှိုက်ကြပါနဲ့

ကေ.တီ.အမ်

လေကြီးခြင်း မိုးကြီးခြင်း

လေကြီးခြင်း မိုးကြီးခြင်း

အာခေါင်မှာ အနာပေါက်တာပါ
ပေါင်ပေါ်က တတောင်ဆစ်အရာ
ဗလပွကလည်း
ဘယ်သူနဲ့မှ မဆိုင်ပါဘူး

မနေနိုင်မထိုင်နိုင်
ကမ္ဘာဟည်းမလားလို့
ဖနောင့်တွေအရိုအက်
ဦးနှောက် အရည်ခမ်းနဲ့
သွေးကြောအားလုံး ဖြဲကြည့်တိုင်း
အဲဒီအကြောတော့ မတွေ့မိဘူး

လည်ပင်းထက်က
လူတကာဆွဲပေးတဲ့ ပန်းကုံးနဲ့
အမြင်တွေ တဖြည်းဖြည်းဝါး
ငါ့အရပ် ငါ့ဇာတ်က
လက်ခုပ်သံတွေစုံလို့ပေါ့
ပွင့်ဖတ်တိုင်းလည်း ငါတံဆိပ်ခတ်တာ
၃၂ ချောင်းလုံးမှာအစွယ်မပြည့်လို့

အကြောတစ်ခု ရှာတွေ့တော့
သွေးတစက်မှ ဖွေမရ ရှာမရ
ဒါတောင် လူကုံထံ အသိုင်းအ၀ိုင်းထဲ
အရေခွံခွာ မြေခွေးတစ်ကောင်အလား
သေချာပါတယ် … ရှေ့ဆက်ခြင်းတွေ
အလိုက်သိတဲ့ လက်သုံးချောင်းအတွက်
ဂုဏ်ယူမြဲသာ …. ကျေနပ်ဆဲသာ

ကေ.တီ.အမ်

အနုပညာပြခန်း

အနုပညာပြခန်း

ကေ.တီ.အမ်

အနောက်ဖက် မိုးကုတ်စက်ဝိုင်းဆီသို့

အနောက်ဖက် မိုးကုတ်စက်ဝိုင်းဆီသို့

စကားလုံး တစ်လုံးအတွက်
လေမှုတ်ထည့်ပြီး မပြောချင်တော့ဘူး
ရပ်လိုက်ကြတာ မကောင်းဘူးလား
သက်တမ်းစေ့
ရက်စက်မှုအပင်တွေကိုပဲ
အဆိပ်လောင်းလာတာ
ဦးနှောက်မှာ အမြစ်တွယ်
ငါ့လက်တွေမှာလည်း
အမုန်းအခက် အလက်

တကယ်က
ရေမြေလေဆီ သွားကြတဲ့
ဘယ်ပေတံမျိုးမှကို ညီမျှမှုတွေ
မပေးစွမ်းနိုင်တော့တာ

မရွံမိပါဘူး…
ငါကိုယ်တိုင်လည်း တံထွေးပါ
မြင်အောင်လည်း ပြန်ကြည့်ဦးဟေ့ …
ဒဏ်ရာပေါ်မှာ အနာထပ်ဖြစ်တာက
ဘ၀တစ်ခုမဟုတ်တာ သေချာပါတယ်

ငါလိုကောင်က
အရိပ်လိုလည်း နေပူမှာ မစောင့်ဘူး
ညတစ်ခေါက်တော့ မလွဲကြုံရမှာပဲ
ဒါ… အခွင့်အရေးပေါ့ကွာ

ကေ.တီ.အမ်

ရွှေအိုရောင် အငွေ့အသက်များ

ရွှေအိုရောင် အငွေ့အသက်များ

အတောင်လည်း
မထွက်ချင်တော့ပါဘူး
ကိုယ့်ခြေထောက်လေး တပ်…ပြီး
တစ်ခေါက်လောက်
လျှေက်ချင်တာပေါ့ဗျာ …
နွေးထွေးစည်းလုံးမှုအပြည့်နဲ့
လက်ကလေးတွေတွဲ
…
စမ်းရေလည်း စီးဆင်းစရာမလိုသကဲ့သို့
ငှက်တွေလည်းတေးဆိုစရာမလိုပါဘူး
…
မြူမှုံတွေကင်းဝေး
အသက်ရှူသံအစုံအလင်နဲ့
အိမ်အိုအိုလေးတစ်လုံးထဲက
…

ကေ.တီ.အမ်

မြောက်လက်တီကျူ ၂၂ဒီဂရီ နှင့် အရှေ့လောင်ဂျီကျူ ၉၈ဒီဂရီ အကြား

မြောက်လက်တီကျူ ၂၂ဒီဂရီ နှင့် အရှေ့လောင်ဂျီကျူ ၉၈ဒီဂရီ အကြား

အရှေ့ရပ်မှနေထွက်ပါသည်
လေထုရဲ့လက်တွေမှာ ရနံ့မျိုးစုံ
ကားပေါ်ကလူ …
လူပေါ်က ကလေး၊ ခွေး၊
ဖိထားသင့်ကုန်သော အရာဝတ္ထုများ
ဖိနပ်ပါးခြင်း၊ ကွမ်းတံတွေး မထွေးရ
ဟွန်းမတီးရ နယ်မြေ

ဗိုက်ထဲကို ပြုတ်ကျသွားခြင်း
ပြုတ်မကျရခြင်းနဲ့ ခွက်ပိန်များ
ခုံပေါ်ထိုင် စာအုပ်ဖွင့်
ကမ္ဘာနှင့် အဝေးဆုံးက
အိမ်လှလှတစ်လုံး (အဖြူ နှင့် အစိမ်း)

တတ်တူးအပြည့်နဲ့ ဦးနှောက်ပိန်
မြေပြင်နေ ဘေးချင်းကပ်
ကောင်းခြင်းနည်း စကားအဆုံး
ဆက်လက်ရှင်သန်ခွင့်မရှိသော
ဦးခွံနေ သတ္တ၀ါ

အနောက်ရပ်နေ၀င်
ကြယ်ရောင်တွေ အစီအစဉ်ကျ၊ မကျ
ဟာ… ဟင်….
ဖယောင်းတိုင်မီး မှိန်မှိန်
လေကို လိုအပ်သည်ထက်ထုတ်
၈-၉နာရီ ခဏတာအနားယူခြင်းနှင့်
တစ်ကိုယ်တော် အားပေးခြင်း

စာရွတ်သံခပ်ပါးပါးကြား
ဒိုင်မပါ မနားတမ်းပြေးသော
ကိုရီးယား ဇာတ်ဆောင်များ

စာအုပ်ပိတ် မျက်တောင်မခတ်
ရင်းနှီးပြီးဖြစ်သော ပါးစပ်နှင့် နားတစ်စုံ
အကယ်ဒမီ မျက်ရည်
နောက်တစ်နေ့ အစီအစဉ်ထဲ
ကစားရင်း အကြောင်းအရာကိုတွေ့
ဝမ်းသာလုံးဆို့
အလေးအပေါ့သွား
အိပ်ယာခင်း …. မပြီးနိုင် မအိပ်နိုင်
နွား စကားများပြော

ခွေးတစ်ကောင်တစ်လေ ဟောင်
ဆာလာအိတ်များ မပြည့်မ၀
အလုပ်နားရန်အချိန်ရောက်
အဲဒီလိုနဲ့ပဲ
ငှက်တွေ စတေးဆို၍
အရှေ့ရပ်မှနေထွက်ပါသည်

ကေ.တီ.အမ်

မွန်းတည့်ချိန် … ကြယ်ကြွေသံများ

မွန်းတည့်ချိန် … ကြယ်ကြွေသံများ

ရှေ့ကိုကြည့်မိတယ်
င ရေးချ ငါ
နောက်ကိုကြည့်ပြန်တော့
င ရေးချငါ ပဲ

ရပ်ကြည့်သွား မီးပွိုင့်အလုပ်မလုပ်
အချိန်ရှိသမျှ ရှိတဲ့အချိန်တိုင်း
အရေခွံမခွာ ငါ့အားငါပြန်ဝါးမြို
အတ္တတွေ …
နှာစေးဖို့ကိုမေ့နေတယ်

မင်းမသွားသေးဘူးလား
မွန်းတည့်နေပြီ
နေ၀င်ချိန်တွေ ဘာအတွက်များ
အားကိုးနေတာလည်း
ကွေးလက်အခိုက်အတန့်
ကြွေကျကုန်တဲ့ အသက်ရှူသံတွေ

ကဲ ဘာဆက်လုပ်မှာလဲ

ကေ.တီ.အမ်

ကိုလေးဖြူ ရဲ့ နေခြည် (ဆိုလို)၊ ကိုဂီတဘလဒ်

ကိုလေးဖြူ ရဲ့ နေခြည် (ဆိုလို)၊ ကိုဂီတဘလဒ်

ကိုဂီတဘလဒ်(GuitaBlood) ပေးတဲ့ ကိုလေးဖြူ - နေခြည်သီချင်းရဲ့ Guitar Pro Tab ပါ ...
မူရင်းကတော့ Marty Friedman ရဲ့ True Obsessions Album ထဲက Hands Of Time ဆိုတဲ့ သီချင်းလေးပါ ... Guitar Pro Tab ကတော့ Website တွေမှာလည်း မရှိပါဘူး ...

Guitar Pro Software မရှိတဲ့သူတွေအတွက်ကတော့ ဓါတ်ပုံတင်ထားပါတယ်

Guitar Pro Software ရှိသူများအတွက် Guitar Tab က ဒီမှာပါ။
မူရင်းသီချင်းကို ခံစားချင်သူများအတွက်ကတော့ ဒီမှာခံစားနိုင်ပါတယ်

ကေ.တီ.အမ်

ကိုလေးဖြူရဲ့ မင်းနဲ့ကိုယ်ရဲ့အကြောင်း

ကိုလေးဖြူရဲ့ မင်းနဲ့ကိုယ်ရဲ့အကြောင်း

ကျွန်တော် ဂစ်တာတဘ်ကို တစ်ပုဒ်လုံးအပြည့်မရေးဖူးပါဘူး။ အင်ထရို ဒါမှမဟုတ် ဆိုလို လောက်ပဲရှာပြီး ရေးတာမျိုးပဲ ရှိပါတယ်။ အခုကတော့ ပထမဆုံးရေးတာလို့ပြောလို့ရတယ်။ ပို့စ်မတင်တာကလည်း တော်တော်ကို ကြာနေပါပြီ။ ကျွန်တော်ရှာပြီးရေးထားတဲ့ ကိုလေးဖြူရဲ့ အိပ်မက်ကဗျာ အယ်လ်ဘမ်ထဲက မင်းနဲ့ကိုယ်ရဲ့အကြောင်း သီချင်းလေးပါ။

Notes Duration တွေကိုတော့ အတတ်နိုင်ဆုံး နီးစပ်အောင်ရှာထားတာပါ။ အဓိက ရှာမိတာကလည်း Picking နဲ့ Solo ကိုပဲ ရှာမိတာပါ။ နောက်ပိုင်း Ending မှာလိုက်ထားတဲ့ Solo အလုံးလေးတွေကိုတော့ တိတိကျကျ မရှာချင်တော့တာနဲ့ ကိုယ်တိုင် စိတ်ထဲမှာပေါ်လာတဲ့ အလုံးလေးတွေပဲထည့်ထားပါတယ်။ အမှားအယွင်းတွေကတော့ ၀ါသနာရှင် တစ်ယောက် ဖြစ်လို့ ပါနေဦးမှာပါ။ အဲဒါလေးတစ်ခုတော့ နားလည်ပေး စေချင်ပါတယ်။

ဂစ်တာရောင်းရင်းများအတွက် ကုန်ကြမ်းလေး ပံ့ပိုးခွင့် ရသွားတယ်ဆိုရင်ကိုပဲ ကျေနပ်ပါတယ်။ Guitar Pro Software မရှိသူများ အတွက်တော့ ဓါတ်ပုံတင်ထားပါတယ်။ Guitar Pro Software ရှိသူများအတွက်ကတော့ Pro Tab ကို တင်ထား ပါတယ်။

ဓါတ်ပုံယူမယ်ဆိုရင်တော့ ဒီမှာပါ
Guitar Pro Tab ယူမယ်ဆိုရင်တော့ ဒီမှာပါ

ကေ.တီ.အမ်

ကကြိုး

ကကြိုး

ညှင်သာလိုက်ကြတာ
ခန္ဓာပေါ်ထိတဲ့ လက်တွေက
ရေတစ်စက်မက အပေါက်ပေါက်ကျလို့
မျက်လုံးဖွင့် အသက်ရှုတိုင်း
ဘာသာမဲ့စွာ နှလုံးခုန်ရင်း
အသောက်အစားမပြတ်ခဲ့
နေ့တလှည့် ညတလှည့်
တိမ်တွေစုံလင်ခဲ့ကြတယ်
ကြယ်တွေစုံလင်ခဲ့ကြတယ်
နှုတ်မဆက်ပဲလည်း ဝေ
နှုတ်မဆက်ပဲလည်း ကြွေ
သီချင်းတစ်ပုဒ် စညဉ်းတတ်တော့
မြင်မြင်သမျှဝန်းကျင်
သစ်ပင်စိမ်းစိမ်းတွေ
သီးလို့ပွင့်လို့ …
အရိပ်ကိုခိုဖူးခဲ့တယ်
အကိုင်းကိုချိုးဖူးခဲ့တယ်
အသီးကိုစားဖူးခဲ့တယ်
အခုတော့
အလင်းတွေ ပစ်ချရင်း
လွတ်လပ်ခြင်းတွေ ပစ်ချရင်း
နေ၀င်ချိန်တွေပဲ ရခဲ့တယ်

ကေ.တီ.အမ်

ကိုအငဲရဲ့ Unplugged မူရင်း အယ်လ်ဘမ်ပါ။

ကိုအငဲရဲ့ Unplugged မူရင်း အယ်လ်ဘမ်ပါ။



သီချင်းတွေကို ယူမယ်ဆိုရင်တော့ဒီမှာပါ။

ကေ.တီ.အမ်

ခေါင်းစဉ်မရှိ (၁)

ခေါင်းစဉ်မရှိ (၁)

အဖေ…
ခြောက်ဆယ့်တစ်နှစ်တော့
တိုင်ခဲ့ပါပြီ
ခြေလှမ်းတွေ အဆက်မပြတ်ပါဘူး
အလှမ်းသုံးဆယ်
အလှမ်းငါးဆယ်
ကျောပြင်တွေတောင်
အစက်အပြောက် ဘ၀နဲ့ပေါ့

ကေ.တီ.အမ်

ကိုအငဲရဲ့ ၀ိဥာဉ်များနှင့်ကခုန်ခြင်း အင်္ဂလိပ်မူရင်း အယ်လ်ဘမ်ပါ

ကိုအငဲရဲ့ ၀ိဥာဉ်များနှင့်ကခုန်ခြင်း အင်္ဂလိပ်မူရင်း အယ်လ်ဘမ်ပါ

ကျွန်တော့်ဆီမှာရှိတဲ့ IC က ကိုလေးဖြူ၊ ကိုအငဲ၊ ကိုမျိုးကြီးတို့ရဲ့ အင်္ဂလိပ်မူရင်းသီချင်းတွေ ဆက်တိုက်တင်သွားမှာပါ။ တစ်ချို့အယ်လ်ဘမ်တွေမှာ ကျွန်တော်မသိတဲ့ သီချင်းတွေလည်းရှိပါတယ်။ ကိုယ်သိတဲ့ သီချင်းဆိုရင်တော့ Cbox မှာ အဆိုတော်နာမည်နဲ့ သီချင်းနာမည်လေး ဝေမျှပေးကြပါ။ ကျွန်တော်ကိုယ်တိုင်ပဲ ရှာလိုက်ပါ့မယ်။

အခုကတော့ ကိုအငဲရဲ့ ၀ိဥာဉ်များနှင့်ကခုန်ခြင်း မူရင်းအယ်လ်ဘမ်ပါ။

01.Mr.Big - Wild World
02.Mr.Big - The Whole World's Gonna Know
03.Michael Schenker Group - Love Is Not A Game
04.House Of Lords - Love Don't Lie
05.Bryan Adams - Kids Wanna Rock
06.House Of Lords - Jealous Heart
07.Savatage - Gutter Ballet
08.Roxx Gang - No Easy Way Out
09.Styx - Show Me The Way
10.Rainbow - Street Of Dreams
11.Gary Moore - Walking By Myself
12.The Outfield - Talk To Me
13.Bad English - Time Stood Still
14.Jetboy - Stomp It Down To The Bricks
ဂစ်တာသမားများအတွက် Website မှာရှာလို့ရတဲ့ Guitar Pro Tab တွေတင်လိုက်ပါတယ်။ ဂစ်တာတဘ်တွေ ယူမယ်ဆိုရင်တော့ ဒီမှာပါ။

ကေ.တီ.အမ်

Flash Lesson

Flash Lesson

ကျွန်တော်လည်း ယောင်ဝါးလိုက်နေတာ ဘလော့ခ်နဲ့ ပတ်သတ်ပြီးတော့လည်း ဘာမှမလုပ်ဖြစ်ဘူး။ အခုလည်း တင်စရာ ပို့စ် မရှိတာနဲ့ ကျွန်တော် စမ်းတ၀ါးဝါးလုပ်ထားတဲ့ Flash Lesson ပုံတွေနဲ့ မြန်မာလိုရေးထားတာလေး တင်လိုက်ပါတယ်။ Programmin' နဲ့ပတ်သတ်ပြီးတော့ နားမလည်ပါဘူး။ ဟိုကူးချဒီကူးချပါပဲ။ Flash Creatin' ၀ါသနာပါသူများအတွက်ပါ။ သိပြီးတတ်ပြီးသား သူတွေအတွက်တော့ မလိုအပ်တော့တဲ့ အကြောင်းအရာတွေပါ။ Version အနေနဲ့ Macromeida Falsh 8 version ကိုပဲ အသုံးပြုပါ။
ဒီပို့စ်ကို တင်ရတာကလည်း Cbox မှာ ကျွန်တော့်အစ်ကိုတစ်ယောက် ကိုAHK(များနေပြီ post အသစ်လည်း မတင်ဘူး) ဆိုလို့ ပို့စ်အသစ်တစ်ခု တင်လိုက်တာပါ။

Flash Lesson.Doc
Text Animation Lesson.Doc
The Gradient Bevel Filter Lesson.Doc

ကေ.တီ.အမ်

Joe Satriani - Professor Satchafunkilus And The Musterion Of Rock(2008)

Joe Satriani - Professor Satchafunkilus And The Musterion Of Rock(2008)

Joe Satriani (Joseph “Satch” Satriani) ဆိုတာနဲ့ ဂစ်တာတီးတဲ့သူတိုင်းလိုလို သိနေကြမယ်ဆိုတာ တွေးကြည့်နေဖို့ မလိုတော့ပါဘူး။ Joe ကို ၁၅ ဇူလိုင် ၁၉၅၆ခုနှစ် Westbury, New York, U.S မှာမွေးဖွားခဲ့ပါတယ်။ Guitarist တစ်ယောက်ဖြစ်သလို Former Guitar Instructor တစ်ယောက်လည်းဖြစ်ပါတယ်။ Joe အကြိုက်ဆုံး Guitarists တွေကတော့ Jimi Hendrix, Jimmy Page နဲ့ Jeff Beck တို့ပဲဖြစ်ပါတယ်။ Joe အသုံးပြုတဲ့ ဂစ်တာကတော့ သူ့ကိုယ်ပိုင် Signature ဖြစ်တဲ့ Ibanez အမျိုးအစား JS Series ဂစ်တာတွေပါ။ Amplifier ကလည်း Joe Signature amp: the Peavey JSX ပဲဖြစ်ပါတယ်။ Joe ရဲ့ ပထမဦးဆုံး Album (Not of This Earth) ကတော့ ၁၉၈၆ခုနှစ် မှာထွက်ခဲ့တာဖြစ်ပြီး Instrumental rock အမျိုးစားတွေကို တီးခတ်ခဲ့တာပါ။ Read More

Joe ရဲ့ ဖန်တီးမှုဖြစ်တဲ့ နောက်ဆုံး 2008 Album(Professor Satchafunkilus and the Musterion of Rock)ပါ။
ဂစ်တာရောင်းရင်းများ၊ Instrumental Rock ကြိုက်သူများအတွက် တင်ပေးလိုက်ပါတယ်။

01 - Musterion
02 - Overdriver
03 - I Just Wanna Rock
04 - Professor Satchafunkilus
05 - Revelation
06 - Come On Baby
07 - Out Of The Sunrise
08 - Diddle-Y-A-Doo-Dat
09 - Asik Vaysel
10 - Andalusia

ကေ.တီ.အမ်

ငါနဲ့နွေဦး

ငါနဲ့နွေဦး

အရောင်မတူတဲ့မျက်လုံးတွေ
ပိုင်ဆိုင်နေကြမှတော့
ကဲ ကောင်မလေးရေ
လွမ်းခန်းစကြမယ်
သင်္ခြိုင်းက လင်းတလိုအလွမ်းမျိုးနဲ့
ငါ ... ရွှေမချဘူး

ဟုတ်တယ်
ဘ၀နဲ့ရူးသွပ်မှု
အပ်နှစ်ချောင်းလိုပဲ
ဒီပုစ္ဆာကိုတော့လက်လျော့တယ်
အဖြေမထွက်လည်း
ပွဲမလန့်ခင် ဖျာခင်းခွင့်ရလို့
ကျေနပ်ပါတယ်

ပြီးဆုံးသွားမှာပါလေ
ငါ့အတွက်
မင်းရဲ့အသိုင်းအ၀ိုင်းက
လက်ခုပ်သံတွေနဲ့
ကြိုးတန်းလန်းဘ၀ကိုတော့
စိတ်ကုန်တယ်

သေချာတယ်
တို့နှစ်ယောက်က
ပြိုင်မျဉ်းမဟုတ်တာ
မျဉ်းပြိုင်တွေဖြစ်ခဲ့လို့
နတ်ပန်းပွင့်တွေ ခြေခင်းမယ်ဆို
ငရဲက ၀တ်ရည်တွေပဲ
ငါသောက်သုံးမယ်

ရွှေတော့မချဘူး
အဖြေမထွက်လည်း
လွမ်းနေမယ်

ကေ.တီ.အမ်

ဖွဲမီး(ကိုလေးဖြူ)

ဖွဲမီး(ကိုလေးဖြူ)

ကျွန်တော် Guitar ကို ကြွက်လျှောက်သလောက်ပဲရတာပါ။ သင်တန်းတွေလည်းမတက်ဖူးပါဘူး။ အခြေခံလည်းမရှိပါဘူး။ သေချာတာနောက်တစ်ခုကလည်း ဂစ်တာတောင်မရှိပါဘူး။ ကျွန်တော် Guitar Pro Software ကိုဂစ်တာအဖြစ် အဖော်ပြု နေတာကြာခဲ့ပါပြီ။

သူငယ်ချင်း မိုးဆက် ဆီရောက်တုန်းက ဂစ်တာလေးနဲ့ကြုံကြိုက်လို့ ဖွဲမီး Intro လေးရှာဖြစ်ခဲ့တယ်။ Guitar Pro Tab ကတော့ အခုမှရေးလိုက်တာပါ။ အခြေခံမရှိတော့ နောက်ပိုင်းတွေက ရှာဖို့ပိုဝေးသွားတာပေါ့။ Intro တောင် တော်တော် ရှာလိုက်ရပါတယ်။ Guitar ရောင်းရင်းများအတွက် အကြမ်းထည်လေးပဲဖြစ်ဖြစ် အထောက်အကူပြုအောင် ကျွန်တော် တင်လိုက်တာပါ။ မသေချာ မရေရာမှုတွေ အများကြီးပါတဲ့ ကျွန်တော့်ရဲ့ မှားယွင်းမှုကို ခွင့်လွှတ်နားလည်ပေးစေလိုပါတယ်။

Software မရှိသူများအတွက် ဓါတ်ပုံနဲ့လည်း တင်ပေးလိုက်ပါတယ်

ဖွဲမီး Intro(ကိုလေးဖြူ)Guitar Pro Tab

ကေ.တီ.အမ်

ဂိုဒေါင်ဆောက်၊ ဆာလာအိတ် တည်ဖို့လို

ဂိုဒေါင်ဆောက်၊ ဆာလာအိတ် တည်ဖို့လို

ဆက်တင်မျိုးစုံနှင့်
အတုအယောင်လှေကားထစ်
အတက်အဆင်းများလွန်းလို့
ရောက်တဲ့နေရာရပ်
တုတ်တစ်ချောင်း ထောင်ဘူးခဲ့

အတောင်မထွက်လည်း
လမ်းလျှောက်တတ်ခဲ့ပြီမို့
မိကျောင်းတစ်ကောင်ရဲ့
မျက်ရည်ကိုပဲ
ဦးနှောက်အပြည့် ဆေးမင်းထိုး

နှလုံးသားမှာ ဖေးမဖို့
ကမ်းလက်တစ်စုံတော့ မပေါက်ခဲ့ဘူး
အစွယ်ပေါက်တတ်ခဲ့လို့
သွေးညှီနံ့ရတိုင်း
စားရကောင်းမှန်း
ပိုပိုသိခဲ့ပြီ

ဝတ်ရုံခြုံခဲ့တိုင်းလည်း
မှန်နံရံတွေပဲ
အက်ကြောင်းထနေခဲ့တာ
အမြင်အာရုံတွေတော့
အာသာကိုမပြေခဲ့ဘူး
ဖားဖား လျားလျားနဲ့
ကိုယ်တိုင်လည်း ဦးဆောင်
ကိုယ်တိုင်လည်း နောက်လိုက်
အင်္ကျီအိတ်တွေတောင်
ကြီးပြင်းခဲ့ပေါ့

ကေ.တီ.အမ်

ဆပ်ပြာကုန်နေသဖြင့် ၀ဲပေါက်မှာစိုး

ဆပ်ပြာကုန်နေသဖြင့် ၀ဲပေါက်မှာစိုး

စာလုံးပေါင်းရုံသာသိသော ဂီတကျောင်း
ထိုဂီတသတ်ပုံများတွင်
အာရှနုတ်စ် ၁ မှ ၇ ထိပါ
အင်တာနေရှင်နယ်တွင်မူ
ပဲပင်ပေါက်မျိုးရှိသည်ကို မြင်တွေ့ခဲ့ဖူး

သီချင်းတော့မဆိုတတ်ပါ
ဟာမိုနစ်မရသော
အင်စတုမန့်တ် တစ်ခုခုမျှ
မတီးတတ်သော
ငွေထုပ်ဖင်ခု ခေါင်းစဉ်တပ်
အဆိုတော်(အဆိုကိုတော်ရန် သင့်တော်သောသူ)များကို
ကြိုက်နှစ်သက်လို့မနေပါ

ကိုယ်ပိုင်သံစဉ်တွေတော့
ပါးစပ်ဟ အန်ထွက်ကုန်
ကလေးငယ်တို့အတွက်
ရောင်စုံဘောလုံးသီချင်းများ
ဟောင်းနွမ်းပြီထင်ပါရဲ့
သီချင်းအစားထိုးကုဖို့ အချိန်တန်လေပြီ
ကော်ပီများလည်း လမ်းဘေးခွေးလေ
ခွေးလွင့်များဖြင့်ပလူး၍မနေခဲ့

မော်ဒန်များဘောင်ခတ်ထားခြင်းကို အားပေးခြင်း
အမှိုက်တောင်းထဲမရောက်သော
ရီရယ်လိုက်စင်များအား
တုတ်တစ်ချောင်းဖြင့် မွှေနှောက်ရှာဖွေခြင်း

မမြင်ဘူးသော နတ်ဆိုးရုပ်ကိုဆွဲသော
လက်ကိုလေးစားအံ့
မကြားဘူးသော ကိုယ်ပိုင်သံစဉ်တီးသော
လက်ကို လေးစားအံ့

ဒီမယ် မော်ဒန်ကောင်
ဒီမယ် ရီရယ်လ်လိုက်စင်ကောင်
သင်၏လက်သည် စုတ်တံကိုင်သောလက်
သင်၏လက်သည် ဂစ်တာကိုင်သောလက်
ရော့ ဒါလူတိုင်းမြင်ဘူးသော ခွေး
ရော့ ဒါကမ္ဘာကျော် Steve Vai ရဲ့ Notes
"For The Love Of God"

ဒီမှာပါသီချင်းယူမယ်ဆိုရင်တော့။ Guitar Pro Tab ကတော့ ဒီမှာပါ။

ကေ.တီ.အမ်

ဗလာအားစောင့်သိသော ကျွန်နုပ်

ဗလာအားစောင့်သိသော ကျွန်နုပ်

အဲဒီလိုနဲ့
ကောင်းကင်ကို ခမောက်လိုဆောင်းရင်း
တိမ်တွေစင်တာတောင်
ငါ့ညက လမသာခဲ့သလို
ဘယ်ခွေးမှ ကာရံမညီခဲ့ပြန်

ကောင်းကင်နက်နက်က
ကြယ်တွေ ခုန်ဆင်းကြပေမယ့်
အလင်းတစ်စက်မှ
ငါ့ရင်မှ မခိုလုံကြဘူး

နောက်ကျော
မြေကြီး မိတ်ဖွဲ့ခြင်းမှာ
သစ်ခြောက်ပင်တို့သာ
ဂရုတစိုက် နားထောင်ပေးကြတယ်

လေနီကြမ်းရဲ့ ၀တ်ရုံထက်က
ငါ့အတွေးတွေ
မင်ရဲ့အလှမှာ ခစားနေတတ်လို့
ငါ့နှလုံးသားအတွက်
ဓါးမြှောင်တစ်ချောင်း
ချီးမြှင့်ထားလိုက်တယ်

ကေ.တီ.အမ်