ငါ၏ ဗိမာန်

ငါ၏ ဗိမာန်

ကမ္ဘာကိုပတ်တာ ... အခေါက်အခါ မရေ မတွက်ချက်နိုင်အောင်ပါ
နောက်ဆုံးတော့လည်း ... ဒီနေရာလေးကိုပဲ ဖက်တွယ်နေမိခဲ့ အရိုင်းအစိုင်းစိတ်
အီဂျစ်က ပိရမစ်ကြီးတွေပေါ်မှာ နားမယ့် ခရီးစဉ်တွေ
မာမ်မီတွေနဲ့ ညစာစားပွဲတွေကိုပါ အကြိမ်ကြိမ်ဖျက်ပစ်ရင်းပေါ့

ဝေဒနာတွေကလည်း ပုံစံမျိုးစုံနဲ့ ဆန်းသစ်ခဲ့ရတယ် ... နာကျင်မှုကတော့ မင်းနဲ့ ဝေးသွားရတဲ့နေ့ကအတိုင်းပါပဲ
မင်းပြောပြသွားခဲ့တဲ့ ပန်းပွင့်ကလေးတွေအကြောင်း ... ကြယ်ပွင့်ကလေးတွေ ကြွေကျသွားတဲ့အကြောင်း ... လှပနေကြတာမြင်တွေ့ရပေမယ့်
နာလိုစိတ်တွေ ယနေ့တိုင်လက်ပြနှုတ်ဆက် ... နှလုံးသားမှာ မြွေပွေးအကောင်ပေါင်းများစွာ မွေးမြူရင်း
ကွဲအက်ကြွေမွသွားတဲ့ အပိုင်းအစလေးတွေ... လိုက်ဆက်နေရတာကိုက .. ငါ့ဘ၀ရဲ့ ရသတဲ့လား ...

နိမ့်မြင့်တက်ကျ ဘ၀ကို မြတ်နိုးတန်ဖိုးထားပေမယ့် ... အမြဲတမ်း အနိမ့်ဖက်မှာပဲ ကျက်စားနေရတော့
ဖုန်တွေသာအလိပ်လိပ်ထ .. အခါခါခုန်နေရတဲ့ ခြေထောက်တွေလည်း နာကျင်နေပါပြီ ...
ဒီအနာကတော့ တစ်သက်စာလုံးအတွက် မင်းပေးသွားတဲ့ ကျိန်စာငယ်လေးတစ်ပုဒ်ပါ ...

ခြေရာတွေနောက် လမ်းစပြန်ကောက်ကြည့်တော့ ... ငါဖက်တွယ်နေတာ .. ဒီနေရာလေးပါပဲ ...

ကေ.တီ.အမ်

ညနက်သားကောင်

ညနက်သားကောင်

အတ္တကို မီးသင်္ဂြီုဟ်တဲ့ည
တိုးတိုးလေး ငြီးလို့
အသက်ငွေ့ငွေ့ဟာ လွင့်ပြယ်သွားရင်
အလင်းတွေ တဖြုတ်ဖြုတ်ကြွေကျ
...

အေးစက်တဲ့ လက်ကိုတွဲ
လမ်းတစ်လျှောက်က မီးအိမ်တွေ
ခြောက်သွေ့တဲ့ ခေါင်းလောင်းသံတွေရဲ့
...

"အဆုံးမှာ"
ပွင့်လက်စ တံခါးကြားက
စောင့်ကြိုနေသာ မီးတောက်မီးလျှံတွေ
...

အော်ဟစ်ရင်းသာ
အော်ဟစ်ရင်းနဲ့သာ
...

ကေ.တီ.အမ်

ကျွန်တော်နှင့် ရောင်စုံဘောလုံး အပိုင်းအစများ

ကျွန်တော်နှင့် ရောင်စုံဘောလုံး အပိုင်းအစများ

ကျွန်တော် ပို့စ်အသစ် မတင်နိုင်တာကြာလှပါပြီ ... သုံးစားမရတဲ့ ဦးနှောက်ကလည်း ပင့်ကူမျှင်တွေ ရစ်ပတ်ပြီး ဘာအကြောင်းအရာမှ ထွက်မလာတော့ပါဘူး ... မြောင်းထဲမှာ ကျက်စားနေကျ ရောင်စုံဘောလုံးတွေလည်း အိပ်မက်ကနေ နိုးထလာခဲ့ပါပြီ... အသေချာဆုံးတစ်ခုက အနုပညာကို ၀ါသနာပါရုံမှတပါး၊ ခံစားတတ်ရုံမှတပါး အခြားမရှိတော့ပါဘူး ...

ဂစ်တာတီးခြင်းကို ပြင်းပြင်းပြပြ ၀ါသနာပါခဲ့ပေမယ့် ဦးစားပေးသင့်သော အမျိုးစုံလှသော ခေါင်းစဉ်တွေကြားမှာ ဘယ်လိုဂစ်တာမျိုးမှ ဖုန်တက်ခွင့် မရခဲ့၊ ဘယ်လို ၆ကြိုးမျိုးမှ သံချေးတက်ခွင့် မရခဲ့ပါဘူး ...

နောက်ဆုံးတော့ နှာစေးနေတဲ့ ကွန်ပျူတာကို ပြုစုရင်း၊ သေနေတဲ့ အကြောတွေက Keyboard နဲ့ Mouse ပေါ်မှာ လှုပ်ရှားရင်းနဲ့ မြောင်းထဲမှာ ပျော်ပါး ကျက်စားချင်ကြတဲ့ ရောင်စုံဘောလုံး အပိုင်းအစများ ညတိုင်းလိုလို အိပ်မက် မက်ဖူးခဲ့ပါတယ် ...

ပထမဆုံး စမက်ဖူးခဲ့တဲ့ ရောင်စုံဘောလုံး အိပ်မက်တစ်ခုပါ
Say Hello Here!

နောက်ပိုင်းမှာတော့
Draggin' My Soul

The Sinners

ကေ.တီ.အမ်

ခေါင်းစဉ်မရှိ (၂)

ခေါင်းစဉ်မရှိ (၂)

ရထားတစ်စင်းဆိုက်တိုင်း ဆင်းတဲ့သူဆင်း၊ တက်တဲ့သူ တက်နဲ့
သက္ကရာဇ်တွေ မရှိဘူး၊ ပြိုချင်သလိုပြိုခဲ့ကြ ဖြိုချင်သလိုဖြိုခဲ့ကြ
မြေပေါ်မှာကြောခင်း မြေအောက်မှာကြောခင်း
စကြာဝဠာရဲ့ အငွေ့အသက်တွေထဲမှာ ပျော်ချင်သလိုပျော်ခဲ့ကြတယ်

အရောင်အသွေးတွေစုံလင်ကြသလောက်
ရောင်စဉ်မဲ့ အလင်းတန်းတွေနဲ့ မိတ်ဖွဲ့ဖို့ရာ လမ်းစပင်ပျောက်
တံဆိပ်မျိုးစုံတပ် ရင်ကိုကော့လို့ ခေါင်းမော့ကြ
မနေ့က ဖြစ်ရပ်တွေကို တူးဖော်ရင်း ဆေးကြောဖို့ရာ အသိပင်မ၀င်
ငါးကမ္ဘာထိမက အဖန်များစွာ ကိုယ်လက်နဲ့ ကိုယ်တိုင် သေစေတယ်
နှလုံးသားပြဇာတ်ခုံပေါ်မှာ မိစ္ဆာမျိုးစုံ မြူတူး ကခုန်ခဲ့စေတယ်

ငါဆိုတဲ့ ပန်းကုံး လည်ပင်းကနေ မချွတ်ချင်သရွေ့တော့
နေအဖွဲ့အစည်းထိရောက်ဖို့ မကြိုးစားနဲ့တော့
ကိုယ်တိုင်သာ ပြန်မေးလိုက်ပါ
ဘေး ဘယ် ညာ ရှေ့ နောက် အတွက် အသုံးကျခဲ့ရဲ့လား

ကေ.တီ.အမ်

ကြွေလွန်ခဲ့သော ဖဲချပ်တစ်ချပ်

ကြွေလွန်ခဲ့သော ဖဲချပ်တစ်ချပ်

မင်းထိုးခဲ့တဲ့
စစ်တုရင်ကစားဝိုင်းမှာ
ခြေအစုံချဖို့အတွက်
နေရာလေးတစ်ခု ရှိနေတာကို
ကျေနပ်နေခဲ့သူပါ ...

ဒီလိုသာနေခဲ့ရင်း
နာရီတွေသာ ခရီးလွန်ခဲ့တယ်
ငါက
ပူကျစ်တောက်ပတဲ့ နေကို
အံတုရဲခဲ့တဲ့ နှင်းစက်တွေလိုမျိုး ...

နောက်ထပ်
ငါ့အတွက် ဘာကစားကွက်မှ
မလိုအပ်တော့ပါဘူး
အသည်းကို အစားခံဖို့
ဘ၀က လည်မျိုမှာ ဓါးရာအထပ်ထပ်နဲ့
ငါ့လက်ထဲက ဖဲချပ်ဟာလည်း
ပြာကျ ကြွေလွင့်ခဲ့နှင့်ပေါ့ ...

ကေ.တီ.အမ်
(၂၃း၃၄၊ ၂၄.၀၁.၂၀၀၉)

လရိပ်တိုးဝင်လာသော်လည်း

လရိပ်တိုးဝင်လာသော်လည်း

မျက်စိနှစ်လုံး စဖွင့်
မြင်ကွင်းဟောင်းနှင့်
ခုန်ဆင်းပြေးသွားသော
သက်လေပြင်းပြင်း

သတင်းစာကောက်ကိုင်တော့
ပိုထူးမလာတဲ့စာသားတွေနဲ့
( )ထဲက နှစ်ထက်မပိုသော
ကိန်းဂဏန်းများစွာ

ပြောစရာမရှိတာက
ရင်းနှီးပြီးသား
အကြမ်းတိုနှင့်
နှုတ်ခမ်းမည်းမည်း

ထီမထိုးထားပေမယ့်
အသိပေးကြေငြာချက်နဲ့
စိတ်တိုတတ်သော ဖိနပ်စုတ်
စနားထောင်ဖြစ်တဲ့ သီချင်းတစ်ပုဒ်က
Submersed ရဲ့ An Artist Prayer

တစ်နေ့တာအတွက်
ပိုက်ဆံမကုန်သော
လောဘ၊ ဒေါသများဝယ်ယူ
ယမမင်းနှင့် နှုတ်ဆက်ရန်
စကားများရှာဖို့မေ့
ဖယောင်းစက်လိုကျနေတဲ့
အချိန်တွေလိုက်ကောက်ရင်း

အဲဒီလိုနဲ့ပဲ
ညဉ့်အသစ်တစ်ခုတော့ရောက်
သွားတိုက်ထားသော်ငြား
မစင်ကြယ်သော ဒီပါးစပ်အိုကြီးက
ကောင်းသောညပါ

ကေ.တီ.အမ်

ပင့်ကူတစ်ကောင်၏ အထုပ္ပတ္တိ

ပင့်ကူတစ်ကောင်၏ အထုပ္ပတ္တိ

ပင့်ကူသည် ပင့်ကူတစ်ကောင်ဖြစ်သည်။
နေထိုင်သောအရပ်ဝန်းကျင်သည်လည်း ပင့်ကူတစ်ကောင်နေထိုင်သော အရပ်ဒေသကဲ့သို့ဖြစ်သည်။
ရှာဖွေစားသောက်ခြင်းများသည်ကား ပင့်ကူတစ်ကောင်အတိုင်း ကျင့်ကြံစားသောက်သည်။
ပင့်ကူတွင်မူ … အခန်းထောင့်တွင်ရှိ ဖုန်အလိပ်လိပ်ထ၊ အမျှင်အတန်းများ ရစ်ပတ်နှောင်ဖွဲ့သော ဦးနှောက်မျိုးသာရှိသည်။
...
သို့သော် ပင့်ကူတွင် … တုတ်တစ်ချောင်းရှိသည်။
ပင့်ကူသည် လူအမြင်ကပ်အောင်လည်း နေတတ်သည်။
ပင့်ကူသည် ခြေများသောကြောင့် ခေါင်းပေါင်းများစွာလည်း နင်းခဲ့၊ ဖောက်ခဲ့ဖူးသည်။
...
ယခုအခါ ပင့်ကူတွင် အတောင်တပ်ခြင်းခံရသည်။
ပင့်ကူပျံသန်းနေရသော အရပ်ဒေသများသည် ပင့်ကူနှင့်လားလားမျှ မသက်ဆိုင်။
သို့သော်ငြား ပင့်ကူ၏ နောက်တွင် တုတ်တစ်ချောင်းမကရှိသည်။
ပင့်ကူသိသည်။ ပင့်ကူ ပျံရမည် သန်းရမည်။
ပင့်ကူ၏ နေ၀င်ချိန် မရောက်သရွေ့ ပင့်ကူ တောင်ပံများနှင့်သာ အချိန်ကုန်ရမည်။
...
ပင့်ကူ ...

ကေ.တီ.အမ်

သုည မှ သုည အတွင်း

သုည မှ သုည အတွင်း

တစ်ယောက်တည်း နေ
တစ်ယောက်တည်း စား
တစ်ယောက်တည်း ငါးခုံးမ

တစ်ယောက်တည်း ငါခုံးမ
တစ်ယောက်တည်း စား
တစ်ယောက်တည်း နေ

ကေ.တီ.အမ်

စုန်းမတစ်ကောင်ရဲ့ ...

စုန်းမတစ်ကောင်ရဲ့ ...

ယောက်ျားတစ်ယောက်ရဲ့ ကျောပြင်
ချစ်လွန်းလို့ လမ်းတလျှောက်ထမ်းပိုးခဲ့တာ
နွားတစ်ကောင်လို ရုန်းနေတာမဟုတ်ဘူး
ငါ့ကတိတွေကို
မီးလောင်တိုက် သွင်းခဲ့ပြီးပြီ.....
ရေအိုင်ပွက်တာတဲ့လား
လှိုင်းရိုက်ခတ်သွားခဲ့တာပါ

မိုးရွာထဲ.. ပန်းချီဆွဲတဲ့ ငါဘ၀ ...
ဝိုးတိုးဝါးတားနဲ့
ခြေလှမ်းတိုင်းလည်း ..
သစ်ခြောက်ရွက်တွေပဲခစားကြ
ရေကြည်စရာမလိုသလို ...
မြက်နုလည်း ငါမစောင့်ဘူး

စုန်းမလို မင်းလက်တွေ
ငါ့အသည်းကို လာမကိုင်ပါနဲ့တော့
အဲဒီလို ..
ကတိကိုငြင်းလိုက်တာက ...
နောက်ထပ်ကတိတစ်ခု
ပေးလိုက်တယ်ဆိုတာ
မင်း … အမြဲအမှတ်ရနေအောင်
တကိုယ်လုံးသာ စုတ်ထိုးထားလိုက်

ကေ.တီ.အမ်

ကျွန်နုပ်၏ စာမျက်နှာ

ကျွန်နုပ်၏ စာမျက်နှာ

မရည်ရွယ်ပဲ ကျလာတဲ့
မိုးစက်တွေအတွက်
နာကျင်စေခဲ့မိရင်
နေရောင်ခြည်တွေနဲ့
နွေးထွေးပါစေ

မျက်ဝန်းတွေကို
ခဏလောက် ကြည့်ပေးပါ
နားကျဉ်းစရာများ မြင်တွေ့ခဲ့ရင်တော့
ကျောက်ဖျာထပ်မှာ နှင်းဆီပန်းတွေ
စိုက်ပျိုးထား … ပြီးသားပါ

မင်းတစ်ယောက်တည်း
ကြေကွဲ ငိုကြွေးနေတယ် မထင်ပါနဲ့
မရည်ရွယ်ပဲ ကျလာတဲ့
မိုးစက်တွေထဲက မျက်ရည်တွေကို
မင်းသတိမထားမိတာပါ

ခြေလှမ်းတိုင်းလည်း
မင်းခြေလှမ်းတွေနဲ့
ကမ္ဘာမြေထဲက ငါ့ခြေလှမ်းတွေ
ထပ်တူကျလွန်းလို့
တို့နှစ်ယောက်အရိပ်က
အမြဲတစ်ခုတည်းဆိုတာ မင်းမသိလုိ့ပါ

ကေ.တီ.အမ်

ကွင်း

ကွင်း

ငါရေးတဲ့ စာသား
ငါဖန်တီးတဲ့ သံစဉ်
ရောင်စုံဘောလုံးတွေပါ
အထီးကျန်ဆန်ဆန်
ကန်သွင်းသူလည်း ငါ
ဂိုးဖမ်းသူလည်း ငါ
သွားကြပါ လုပ်ကြပါ
ထက်မြတ်တဲ့ခြေလှမ်းတို့
ငါ့ဦးနှောက်က ပင့်ကူကိုတော့
အစာငတ်အောင်မလုပ်ကြနဲ့
ငါ့ရဲ့ရောင်စုံအချိန်တွေ
ငါ့ရဲ့ရောင်စုံစာသားတွေ
ငါ့ရဲ့ရောင်စုံသံစဉ်တွေ
မြောင်းထဲမှာ ကျက်စားနေကြတယ်
ဦးနှောက်အကြောင်းသိချင်ရင်
ကိုယ့်ဦးနှောက်ကိုအရင်ဖွင့်ကြည့်
သတိ သတိလေးတော့ထား
အသင်တို့၏ ရွှေချထားသောလက်တွေ
မြောင်းထဲကိုတော့ လာမနှိုက်ကြပါနဲ့

ကေ.တီ.အမ်

လေကြီးခြင်း မိုးကြီးခြင်း

လေကြီးခြင်း မိုးကြီးခြင်း

အာခေါင်မှာ အနာပေါက်တာပါ
ပေါင်ပေါ်က တတောင်ဆစ်အရာ
ဗလပွကလည်း
ဘယ်သူနဲ့မှ မဆိုင်ပါဘူး

မနေနိုင်မထိုင်နိုင်
ကမ္ဘာဟည်းမလားလို့
ဖနောင့်တွေအရိုအက်
ဦးနှောက် အရည်ခမ်းနဲ့
သွေးကြောအားလုံး ဖြဲကြည့်တိုင်း
အဲဒီအကြောတော့ မတွေ့မိဘူး

လည်ပင်းထက်က
လူတကာဆွဲပေးတဲ့ ပန်းကုံးနဲ့
အမြင်တွေ တဖြည်းဖြည်းဝါး
ငါ့အရပ် ငါ့ဇာတ်က
လက်ခုပ်သံတွေစုံလို့ပေါ့
ပွင့်ဖတ်တိုင်းလည်း ငါတံဆိပ်ခတ်တာ
၃၂ ချောင်းလုံးမှာအစွယ်မပြည့်လို့

အကြောတစ်ခု ရှာတွေ့တော့
သွေးတစက်မှ ဖွေမရ ရှာမရ
ဒါတောင် လူကုံထံ အသိုင်းအ၀ိုင်းထဲ
အရေခွံခွာ မြေခွေးတစ်ကောင်အလား
သေချာပါတယ် … ရှေ့ဆက်ခြင်းတွေ
အလိုက်သိတဲ့ လက်သုံးချောင်းအတွက်
ဂုဏ်ယူမြဲသာ …. ကျေနပ်ဆဲသာ

ကေ.တီ.အမ်

အနုပညာပြခန်း

အနုပညာပြခန်း

ကေ.တီ.အမ်

အနောက်ဖက် မိုးကုတ်စက်ဝိုင်းဆီသို့

အနောက်ဖက် မိုးကုတ်စက်ဝိုင်းဆီသို့

စကားလုံး တစ်လုံးအတွက်
လေမှုတ်ထည့်ပြီး မပြောချင်တော့ဘူး
ရပ်လိုက်ကြတာ မကောင်းဘူးလား
သက်တမ်းစေ့
ရက်စက်မှုအပင်တွေကိုပဲ
အဆိပ်လောင်းလာတာ
ဦးနှောက်မှာ အမြစ်တွယ်
ငါ့လက်တွေမှာလည်း
အမုန်းအခက် အလက်

တကယ်က
ရေမြေလေဆီ သွားကြတဲ့
ဘယ်ပေတံမျိုးမှကို ညီမျှမှုတွေ
မပေးစွမ်းနိုင်တော့တာ

မရွံမိပါဘူး…
ငါကိုယ်တိုင်လည်း တံထွေးပါ
မြင်အောင်လည်း ပြန်ကြည့်ဦးဟေ့ …
ဒဏ်ရာပေါ်မှာ အနာထပ်ဖြစ်တာက
ဘ၀တစ်ခုမဟုတ်တာ သေချာပါတယ်

ငါလိုကောင်က
အရိပ်လိုလည်း နေပူမှာ မစောင့်ဘူး
ညတစ်ခေါက်တော့ မလွဲကြုံရမှာပဲ
ဒါ… အခွင့်အရေးပေါ့ကွာ

ကေ.တီ.အမ်

ရွှေအိုရောင် အငွေ့အသက်များ

ရွှေအိုရောင် အငွေ့အသက်များ

အတောင်လည်း
မထွက်ချင်တော့ပါဘူး
ကိုယ့်ခြေထောက်လေး တပ်…ပြီး
တစ်ခေါက်လောက်
လျှေက်ချင်တာပေါ့ဗျာ …
နွေးထွေးစည်းလုံးမှုအပြည့်နဲ့
လက်ကလေးတွေတွဲ
…
စမ်းရေလည်း စီးဆင်းစရာမလိုသကဲ့သို့
ငှက်တွေလည်းတေးဆိုစရာမလိုပါဘူး
…
မြူမှုံတွေကင်းဝေး
အသက်ရှူသံအစုံအလင်နဲ့
အိမ်အိုအိုလေးတစ်လုံးထဲက
…

ကေ.တီ.အမ်

မြောက်လက်တီကျူ ၂၂ဒီဂရီ နှင့် အရှေ့လောင်ဂျီကျူ ၉၈ဒီဂရီ အကြား

မြောက်လက်တီကျူ ၂၂ဒီဂရီ နှင့် အရှေ့လောင်ဂျီကျူ ၉၈ဒီဂရီ အကြား

အရှေ့ရပ်မှနေထွက်ပါသည်
လေထုရဲ့လက်တွေမှာ ရနံ့မျိုးစုံ
ကားပေါ်ကလူ …
လူပေါ်က ကလေး၊ ခွေး၊
ဖိထားသင့်ကုန်သော အရာဝတ္ထုများ
ဖိနပ်ပါးခြင်း၊ ကွမ်းတံတွေး မထွေးရ
ဟွန်းမတီးရ နယ်မြေ

ဗိုက်ထဲကို ပြုတ်ကျသွားခြင်း
ပြုတ်မကျရခြင်းနဲ့ ခွက်ပိန်များ
ခုံပေါ်ထိုင် စာအုပ်ဖွင့်
ကမ္ဘာနှင့် အဝေးဆုံးက
အိမ်လှလှတစ်လုံး (အဖြူ နှင့် အစိမ်း)

တတ်တူးအပြည့်နဲ့ ဦးနှောက်ပိန်
မြေပြင်နေ ဘေးချင်းကပ်
ကောင်းခြင်းနည်း စကားအဆုံး
ဆက်လက်ရှင်သန်ခွင့်မရှိသော
ဦးခွံနေ သတ္တ၀ါ

အနောက်ရပ်နေ၀င်
ကြယ်ရောင်တွေ အစီအစဉ်ကျ၊ မကျ
ဟာ… ဟင်….
ဖယောင်းတိုင်မီး မှိန်မှိန်
လေကို လိုအပ်သည်ထက်ထုတ်
၈-၉နာရီ ခဏတာအနားယူခြင်းနှင့်
တစ်ကိုယ်တော် အားပေးခြင်း

စာရွတ်သံခပ်ပါးပါးကြား
ဒိုင်မပါ မနားတမ်းပြေးသော
ကိုရီးယား ဇာတ်ဆောင်များ

စာအုပ်ပိတ် မျက်တောင်မခတ်
ရင်းနှီးပြီးဖြစ်သော ပါးစပ်နှင့် နားတစ်စုံ
အကယ်ဒမီ မျက်ရည်
နောက်တစ်နေ့ အစီအစဉ်ထဲ
ကစားရင်း အကြောင်းအရာကိုတွေ့
ဝမ်းသာလုံးဆို့
အလေးအပေါ့သွား
အိပ်ယာခင်း …. မပြီးနိုင် မအိပ်နိုင်
နွား စကားများပြော

ခွေးတစ်ကောင်တစ်လေ ဟောင်
ဆာလာအိတ်များ မပြည့်မ၀
အလုပ်နားရန်အချိန်ရောက်
အဲဒီလိုနဲ့ပဲ
ငှက်တွေ စတေးဆို၍
အရှေ့ရပ်မှနေထွက်ပါသည်

ကေ.တီ.အမ်

မွန်းတည့်ချိန် … ကြယ်ကြွေသံများ

မွန်းတည့်ချိန် … ကြယ်ကြွေသံများ

ရှေ့ကိုကြည့်မိတယ်
င ရေးချ ငါ
နောက်ကိုကြည့်ပြန်တော့
င ရေးချငါ ပဲ

ရပ်ကြည့်သွား မီးပွိုင့်အလုပ်မလုပ်
အချိန်ရှိသမျှ ရှိတဲ့အချိန်တိုင်း
အရေခွံမခွာ ငါ့အားငါပြန်ဝါးမြို
အတ္တတွေ …
နှာစေးဖို့ကိုမေ့နေတယ်

မင်းမသွားသေးဘူးလား
မွန်းတည့်နေပြီ
နေ၀င်ချိန်တွေ ဘာအတွက်များ
အားကိုးနေတာလည်း
ကွေးလက်အခိုက်အတန့်
ကြွေကျကုန်တဲ့ အသက်ရှူသံတွေ

ကဲ ဘာဆက်လုပ်မှာလဲ

ကေ.တီ.အမ်

ကိုလေးဖြူ ရဲ့ နေခြည် (ဆိုလို)၊ ကိုဂီတဘလဒ်

ကိုလေးဖြူ ရဲ့ နေခြည် (ဆိုလို)၊ ကိုဂီတဘလဒ်

ကိုဂီတဘလဒ်(GuitaBlood) ပေးတဲ့ ကိုလေးဖြူ - နေခြည်သီချင်းရဲ့ Guitar Pro Tab ပါ ...
မူရင်းကတော့ Marty Friedman ရဲ့ True Obsessions Album ထဲက Hands Of Time ဆိုတဲ့ သီချင်းလေးပါ ... Guitar Pro Tab ကတော့ Website တွေမှာလည်း မရှိပါဘူး ...

Guitar Pro Software မရှိတဲ့သူတွေအတွက်ကတော့ ဓါတ်ပုံတင်ထားပါတယ်

Guitar Pro Software ရှိသူများအတွက် Guitar Tab က ဒီမှာပါ။
မူရင်းသီချင်းကို ခံစားချင်သူများအတွက်ကတော့ ဒီမှာခံစားနိုင်ပါတယ်

ကေ.တီ.အမ်

ကိုလေးဖြူရဲ့ မင်းနဲ့ကိုယ်ရဲ့အကြောင်း

ကိုလေးဖြူရဲ့ မင်းနဲ့ကိုယ်ရဲ့အကြောင်း

ကျွန်တော် ဂစ်တာတဘ်ကို တစ်ပုဒ်လုံးအပြည့်မရေးဖူးပါဘူး။ အင်ထရို ဒါမှမဟုတ် ဆိုလို လောက်ပဲရှာပြီး ရေးတာမျိုးပဲ ရှိပါတယ်။ အခုကတော့ ပထမဆုံးရေးတာလို့ပြောလို့ရတယ်။ ပို့စ်မတင်တာကလည်း တော်တော်ကို ကြာနေပါပြီ။ ကျွန်တော်ရှာပြီးရေးထားတဲ့ ကိုလေးဖြူရဲ့ အိပ်မက်ကဗျာ အယ်လ်ဘမ်ထဲက မင်းနဲ့ကိုယ်ရဲ့အကြောင်း သီချင်းလေးပါ။

Notes Duration တွေကိုတော့ အတတ်နိုင်ဆုံး နီးစပ်အောင်ရှာထားတာပါ။ အဓိက ရှာမိတာကလည်း Picking နဲ့ Solo ကိုပဲ ရှာမိတာပါ။ နောက်ပိုင်း Ending မှာလိုက်ထားတဲ့ Solo အလုံးလေးတွေကိုတော့ တိတိကျကျ မရှာချင်တော့တာနဲ့ ကိုယ်တိုင် စိတ်ထဲမှာပေါ်လာတဲ့ အလုံးလေးတွေပဲထည့်ထားပါတယ်။ အမှားအယွင်းတွေကတော့ ၀ါသနာရှင် တစ်ယောက် ဖြစ်လို့ ပါနေဦးမှာပါ။ အဲဒါလေးတစ်ခုတော့ နားလည်ပေး စေချင်ပါတယ်။

ဂစ်တာရောင်းရင်းများအတွက် ကုန်ကြမ်းလေး ပံ့ပိုးခွင့် ရသွားတယ်ဆိုရင်ကိုပဲ ကျေနပ်ပါတယ်။ Guitar Pro Software မရှိသူများ အတွက်တော့ ဓါတ်ပုံတင်ထားပါတယ်။ Guitar Pro Software ရှိသူများအတွက်ကတော့ Pro Tab ကို တင်ထား ပါတယ်။

ဓါတ်ပုံယူမယ်ဆိုရင်တော့ ဒီမှာပါ
Guitar Pro Tab ယူမယ်ဆိုရင်တော့ ဒီမှာပါ

ကေ.တီ.အမ်

ကကြိုး

ကကြိုး

ညှင်သာလိုက်ကြတာ
ခန္ဓာပေါ်ထိတဲ့ လက်တွေက
ရေတစ်စက်မက အပေါက်ပေါက်ကျလို့
မျက်လုံးဖွင့် အသက်ရှုတိုင်း
ဘာသာမဲ့စွာ နှလုံးခုန်ရင်း
အသောက်အစားမပြတ်ခဲ့
နေ့တလှည့် ညတလှည့်
တိမ်တွေစုံလင်ခဲ့ကြတယ်
ကြယ်တွေစုံလင်ခဲ့ကြတယ်
နှုတ်မဆက်ပဲလည်း ဝေ
နှုတ်မဆက်ပဲလည်း ကြွေ
သီချင်းတစ်ပုဒ် စညဉ်းတတ်တော့
မြင်မြင်သမျှဝန်းကျင်
သစ်ပင်စိမ်းစိမ်းတွေ
သီးလို့ပွင့်လို့ …
အရိပ်ကိုခိုဖူးခဲ့တယ်
အကိုင်းကိုချိုးဖူးခဲ့တယ်
အသီးကိုစားဖူးခဲ့တယ်
အခုတော့
အလင်းတွေ ပစ်ချရင်း
လွတ်လပ်ခြင်းတွေ ပစ်ချရင်း
နေ၀င်ချိန်တွေပဲ ရခဲ့တယ်

ကေ.တီ.အမ်